>

Ալիս Սողոմոնյանը իր ֆեսբուքյան էջում գրել է.

«ՄԱՆԹՌԱԺ» ԸՆԿԱԾ «ԸՆԴԴԻՄԱԴԻՐՆԵՐԸ»

«Ընդդիմադիր» բառն էլ է չակերտների մեջ, որովհետև ձեր պահվածքը կեղծ և զուտ անձնական ամբիցիաների արդյունք է:




Այնինչ ճիշտ ընդդիմադիրը նա՛ է, ով երկրի համար է ցավում ու երկրի՛ և ժողովրդի՛ շահերի համար բարձրաձայնում հարցեր, որոնց լուծումն ի շահ երկրի է, ոչ թե ի շահ երկրից ու ժողովրդից թալանածը պահելո՛ւ:

Վատ զգացի՞ք, դեմքերիդ գույնը փոխվե՞ց, երբ հրայր թովմասյան աճպարարը գահընկեց արվեց: Ավելի՞ խտացավ ձեր մանթռաժ ընկնելը:






Հիշո՛ւմ եք, թե ձեզ նման վայ ընդդիմադիր, չեկիստ վանեցյանն ինչ էր ասում լրագրողներին, երբ գաղտնալսումների թեման էին քննարկում:

Նա, որ արդեն գեներալի ուսադիրներ էր ստացել նոր իշխանություններից, հանցագործ քոչարյանի ունեցվածքի մասին փաստե՜ր էր բերում, քոչոյի ահռելի թալանածը վերադարձնելու ծրագրե՜ր էր ներկայացնում, այդ հանցագործին մեղադրում էր ինչ-որ հյուրանոցի հետ կապված 6 միլիոն դոլար կաշառքի ու փողերի լվացման համար: Սխեմանե՜ր էր ներկայացնում, թե ոնց է եղել, որ քոչարյանի ընտանիքը դարձել է բազմաթիվ անշարժ գույքի սեփականատեր:

-Շատ, շատ են էդ գործերը,-ասում էր ԱԱԾ տնօրեն, գեներալ վանեցյանը,-և դրանց հիմքով հարուցված են քրեական գործեր:

Թղթակիցը հարցնում է.
-Կհարցաքննե՞ն քոչարյանին:

Վանեցյանը պատասխանում է.
-Անպայման: Միլիարդավոր դոլարներ գողացված են էս երկրից: Մի մասը՝ դրսի բանկերում, մի մասը՝ էստեղի բանկերում:

Այսպես ասում էր գեներալի ուսադիրներով Հայաստանի ԱԱԾ պետ վանեցյանը:
Ստո՛պ:


Այստեղ մի պահ կանգ առնենք, ամբաստանյալ ռոբերտ քոչարյանին առաջադրված մեղադրանքներում կա՞ն արդյոք վանեցյանի ասած շատ, շատ գործերը, թե՞ միայն այն չարաբաստիկ 301.1 հոդվածն է: Եվ եթե կան, ո՞ւր կորան վանեցյանի վկայած այդ մեղադրանքներն ապացուցող փաստերը, որոնք լիովին բավարար կլինեին ռոբիկին շա՜տ երկար պահել կալանավայրում:

Հիմա դառնանք, այսպես ասած ըննդիմադիր վանեցյանին, նույն իրեն, որ ափսոս, մի քիչ ուշացումով բացահայտվեց ինչ-որ ուժերի կողմից իշխանության վերին օղակում դրված այդ ականը:

Նախ, վանեցյանը պիտի ամոթ ունենար (դա, իհարկե, իրեն սազական չի) և ուսադիրներից հրաժարվեր: Եվ ապա, դավաճանելուց հետո, կրկին ամոթ ունենար, որ քամելիոնի պահվածքով որոշ ժամանակ անց արդեն ուրի՜շ մեղեդի չնվագեր իր նախկին հանցագործ շեֆերի փողերով գնած զուռնայով:

-Ռոբերտ Քոչարյանի կալանավորումը ընտրված է սխալ,-սա արդեն «ընդդիմադիր» դարձած վանեցյանի՛ բարբաջանքն է,-և ես կարծում եմ, որ ճիշտ կլիներ քոչարյանի խափանման միջոցը վերանայվեր:
Էշից ընկած ու դրանից ամոթ չապրող ազգադավ վանեցյան, ԿԿԲ-ում, կարծեմ, հայրենիքին ծառայելու երդում են տալիս:



Այդ երդումը դու տվեցիր նաև այն ժամանակ, երբ գեներալի ուսադիրներ էիր ստանում: Ես անձամբ, այն ժամանակ էլ քեզ չէի հավատում: Հիմա, եթե դրժում ես քո երդումը, ուրեմն ես ճի՞շտ էի, որ քեզ չէի հավատում: Հավատանք, որ քո հորինած կուսակցությամբ երկիրը փրկելու գործի՞ն ես ծառայելու: Դու լավ պիտի իմանաս, թե երդումը դրժած ու դասալիք դարձած տականքների վերջը որտեղ է: Դա բա՛նտն է, դավաճան վանեցյան, դա այն վայրն է, որ տանում են երդմնազանցներին, դասալիքներին, խաբեբաներին, ծախվածներին: Քեզ լիովին վերագրելի են այս մակդիրները:

Եւ ովքե՞ր են քո համակիրները, վանեցյան, քեզ նման բարոյազուրկները՞: Էն «լուսավոր» կոչվող, բայց մթնում խարխափող խանութպան Համո էդմո՞նը, որ ընդամենը սեռժի ու նրա փեսա միշիկի գրպանային ընդդիմությունն է: Է՜ն մարուքյանը, որ հիմա էլ ոտ ու ձեռ ընկած Ազգային ժողովում ԲՀԿ-ից համախոհներ է փնտրում, որ միասնաբար սահմանադրական դատարան դիմեն՝ իմքայլականների ընդունած սահմանադրական փոփոխությունների հարցը վիճարկելու համար:

Զուր հույսեր, որովհետև ՍԴ կոչվող այդ որջում սեռժի կամակատար, անինքնասեր հրոն արդեն փալասի է վերածվել: Դա ա՛յն տականք հրոն է, որ շտապեց էն հանցագործ քոչարյանի գործի քննությունը նշանակել ու հիմա ձեզանից ավել մանթռաժ է, թե ինքն ի՞նչ է անելու հուլիսի 7-ին:

Որպես ՍԴ շարքային անդամ միայնակ կո՞ղմ պիտի քվեարկի կամ հատուկ կարծի՞ք գրի, որը զամբյուղ շպրտելու թուղթ կլինի ընդամենը:
Դուք այդ ի՜նչ ողորմելի ընդդիմադիրներ եք, որ ձեր կոնսոլիդացիան այդպես էլ չի կայանում: Չափից ավելի զգո՞ւյշ եք, թե՞ իրար արդեն չեք էլ վստահում:

Մանավանդ այս ֆոնին, երբ տեսաք, որ ԱԺ-ում, ձեր քոքը կտրելու համար, արդեն (վերջապե՜ս) լուրջ քայլեր սկսեցին անել: Ինչ-որ համատեղ հուշագի՞ր էիք ուզում ստորագրել, որից դարձյալ առայժմ զգուշանում եք:
Զգուշացե՛ք, պարոնայք և տիկնայք «ընդդիմադիրներ» ու մտածեք ձեր անփառունակ ճակատագրի՛ մասին:

Հույսերդ կտրեք, թե ձեր փայփայած ամբաստանյալ ռոբիկ քոչարյանը շարունակելու է ազատության մեջ մնալ: Թե գագիկ ծառուկյանին չեն հասցնելու պատին դեմ տալ իր ընտրակեղծիքների ու հանցանքների համար:

Զգուշացեք, որ ներկա իշխանությունն արդեն իր վրայից հեռացրել է թավիշն ու արդարացված կոշտ և օրինական քայլերի է դիմում, որոնց տակ ճզմվելու եք դուք: Ճզմվելու եք, որովհետև դա՛ է ժողովրդի պահանջը, ժողովուրդ, որը ձեզանից փրկած իր երկիրը երկիր դարձնելու ճանապարհն է բռնել ու շարունակելու է անվարան անցնել այդ ճանապարհով:

Իսկ դուք, «ընդդիմադիր» խղճուկներ, առայժմ շարունակեք ձեր մանթռաժի մեջ թփրտալ, մինչև ձեր հերթն էլ հասնի:
ԱԼԻՍ ՍՈՂՈՄՈՆՅԱՆ

Сообщение Ալիս Սողոմոնյանի հերթական ջախջախիչ գրառումը появились сначала на ՄԵՐ ԻՆՖՈ.


Նյութը պատրաստեց ingablog.ru-ն


от admin

-->