>

Իտալական սերուցքային պանիրը` մասկարպոնեն, ունի կրեմանման կազմություն և նուրբ սերուցքային համ։ Նրանով պատրաստվում են անչափ համեղ աղանդեր, որոնցից ամենատարածվածները թերևս «Չիզքեյք»-ն ու «Տիրամիսու»-ն են։ Իսկական մասկարպոնե պանիրը ոչ բոլորին հասանելի, թանկ հաճույք է, սակայն, բաղադրատոմսն իմանալով, մենք կարող ենք այն պատրաստել ու վայելել:

Եվ այսպես անցնենք գերծի:




Քոչարյանի զոհերը

800 գր մասկարպոնե պատրաստելու համար մեզ անհրաժեշտ է 1 լ 30% և ավելի յուղայնությամբ սերուցք (կաթնային), 3 ճ/գդ կիտրոնահյութ, ինչպես նաև  կաթսա,  մաղ, քամիչ և մարլյա։




Կաթսան դնում ենք միջին ուժեղության կրակի վրա, լցնում սերուցքը և փայտե թիակով խառնելով` հասցնում գրեթե եռման աստիճանի։ Երբ պղպջակներ են առաջանում, կաթսան անմիջապես վերցնում ենք կրակի վրայից։ Ակտիվ խառնելով ավելացնում ենք կիտրոնահյութը, այնուհետև այն կրկին դնում թույլ կրակի վրա և խառնում մոտ 2 րոպե, մինչև առաջին փոքր անհամասեռությունը նկատվի: Անմիջապես վերցնում ենք կրակից և թողնում սառչի:

Այդ ընթացքում սերուցքն անցնում է 3 փուլ. 1-ին փուլում կտրվում է, 2-րդ-ում` կեֆիրի կազմության դառնում, իսկ արդեն 3-րդ-ում` վերածվում է թանձր կրեմի։


Թանձր կրեմը լցնում ենք 4-5 տակ մարլյայով պատված մաղի մեջ, որի տակ դատարկ աման ենք դնում։ Զանգվածն այդպես թողնում ենք մոտ 1 ժամ մինչև շիճուկն ամբողջովին առանձնանա:


Ահա և վերջ: Մասկարպոնեն պատրաստ է:

Խորհուրդներ.

  • Մասկարպոնեն կարող ենք պատրաստել նաև 15-20% յուղայնությամբ սերուցքով, իսկ կիտրոնահյութը փոխարինենք կիտրոնի աղով (1լ սերուցքի դեպքում մեզ անհրաժեշտ է  1/4 թ/գդ կիտրոնի աղ)։ Այս դեպքում կիտրոնի աղը պետք է լուծենք 1 թ/գդ ջրում, որից հետո նոր ավելացնել տաքացած սերուցքին:
  • Մեր պատրաստած մասկարպոնեն սառնարանում (հերմետիկ փակվող ամանում) կարող ենք պահել մոտ 1 շաբաթ։

Նյութի աղբյուր՝ cooks.am

Նյութը պատրաստեց ingablog.ru-ն


от admin

-->