ԱԺ «Իմ քայլը» խմբակցության պատգամավոր Սոֆյա Հովսեփյանը ֆեյսբուքյան իր էջում գրել է.

«Մեկ տարի անց կրկին նույն հարցի շուրջ է պայքարը…

Այն դեպքում, որ այսօր արտակարգ դրություն է և հավաքներ կամ ակցիաներ չպիտի թույլատրվեն,

այնուամենայնիվ, այսօր Վայոց Ձորի մարզում իրավիճակը լարված է, որն անթույլատրելի է:

Ամենահեշտ մոտեցմամբ կարելի է մեղադրել խաղաղ բնակչին, ով իր համար իր տանը նստած էր և

պարզապես անդորրը խաթարվեց՝ հերթական անգամ սպառնալով բնությանն ու մարդկությանը:

Ինչո՞ւ հենց այս օրերին փոխվեց պահնորդական խումբը, ինչո՞ւ համաճարակային իրավիճակն անտեսվեց «Լիդիան Արմենիա»

ընկերության կողմից, ինչո՞ւ է կատարվում գործողություններ, որոնք անտեսում են նախնական պայմանավորվածությունները:

Ինչո՞ւ, ինչո՞ւ և այդպես մի շարք ինչունե՞ր:

Անթույլատրելի եմ համարում այս հրահրող գործողությունները և կոչ եմ անում բոլոր ներգրավված կողմերին, անկախ հետաքրքրություններից,

դադարեցնե՛ն սադրիչ գործողությունները և հաշվի նստեն երկրում տիրող իրավիճակի հետ:

Այս վերաբերմունքը դասական օրինախախտում է, որը պետք է ունենա իր գնահատականն իրավապահ մարմինների կողմից:

Մշտապես ամենահեշտ մոտեցումն է եղել մեղադրել խաղաղ բնակչին, սակայն այսօր դա գրեթե անհնար է և անգամ փորձ չանեք գնալու այդ դաշտ:

Մեր երկրում ամեն մեկը հողի պաշտպան է, ուստի մի զարմացեք, որ այսօր շատերը ոտքի են կանգնել և փորձում են պաշտպանել իրենց ժառանգությունը:

Հարգելի՛ ոստիկաններ, կոչ եմ անում առավելագույնս պաշտպանել օրենքը և անհարկի չթիրախավորել պայքարողներին:

Հարգելինե՛րս, ինձ հետ բոլոր ժամանակներում հանուն երկրի ու արդարության պայքարող ընկերներ

ջան, ցավում եմ, որ ես այդտեղ չեմ, խնդրում և հորդորում եմ չտրվել հրահրումներին, քանի որ ձեր պահանջն արդար է:

Հարգելի՛ լրագրողներ, ներողություն եմ խնդրում, որ այս օրերին չեմ կարողանում ձեզ հետ հաղորդակցվել և

խնդրում եմ դիտարկել որպես անտեսում, այլ հարգելի պատճառ:

Կհանդիպենք»:

Сообщение «Ինչո՞ւ հենց այս օրերին փոխվեց պահնորդական խումբը». ԱԺ Իմ Քայլը պատգամավորի ուշագրավ անդրադարձը появились сначала на ՄԵՐ ԻՆՖՈ.

Նյութը պատրաստեց ingablog.ru-ն