>

Օրեր առաջ հումորային դերասանուհի Նարինե Ոսկանյանը(Պաուզա Անո) ֆեյսբուքյան իր էջի միջոցով դիմել էր քաղաքացիներին` օգնության խնդրանքով:

Նա սրտի շտապ վիրահատության կարիք ուներ, որի համար պետք էր 3մլն դրամ, որը դերասանի համեստ կյանքով ապրող Նարինե Ոսկանյանի համար աստղաբախշական էր:
Դերասանուհին տեսաուղերձով դիմել է հանրությանը՝ խնդրելով օգնել իրեն այս ծանր պահին։





Քոչարյանի զոհերը

Ժամեր անց նրան դիմել էր ՀՖՖ նախկին նախագահ Ռուբեն Հայրապետյանը` պատրաստակամություն հայտնելով ամբողջ գումարը փոխանցել:




ArmDaily.am-ի հետ զրույցում Նարինեն ասաց, որ մեկ ժամից մտնում է վիրահատության. «Ինձ շատ լավ եմ զգում: Վիրահատական փուլն արդեն սկսվել է, անալիզները հանձնել եմ, մեկ ժամից վիրահատությունը կանեն»:

Հարցին` արդյոք սպասում էր քաղաքացիների կողմից նման արձագանքի, Նարինեն նշեց. «Իհարկե սպասում էի, եթե վստահ չլինեի իմ հանդիսատեսի վրա, չէի անի նման բան: Դրա համար էլ ես թքած ունեի կառավարության վրա, ես իմ հանդիսատեսին եմ դիմել»:


Դիտարկմանը` դիմել է կառավարությանը, չեն օգնել, թե պարզապես չի ցանկացել կառավարության օգնությունը, դերասանուհին նկատեց. «Ոչ , չեմ դիմել, չեմ էլ ուզեցել դիմել: Ես իմ հանդիսատեսի վրա վստահ էի, ինչիս էր պետք կառավարությունը: Ես ժողովրդինն եմ, կառավարությանը չեմ, ազիզ ջան:

Եթե դիմեի, չեմ կարծում, որ կմերժեին, բայց ինձ պետք չէր իրենց արածը: Ծերից ծեր հուզմունք էր դա, եթե հասկանում ես, որ քո ժողովուրդը քեզ էդ կարգի սիրում է, որ կարող է կես օրում փող հավաքի, ոնց չես հուզվի:


Նախկինում էլ ես եմ բարեգործությունների մասնակցել, բայց ոչ հանրահայտ: Ում ուզել, բարեգործություն արել եմ ու չեմ բարձրաձայնել: Բարեգործությունը բարձրաձայնելու համար չէ»:

Հարցին`է վիրահատությունից առաջ ինչ մտածմունքներ ունի, ինչի մասին է մտածում, Նարինեն ասաց. «Որ հետ գամ տուն, ընկերներիս հետ ուտեմ-խմեմ, փարթի անեմ, հետ գամ տուն»:

Сообщение Ուզում եմ հետ գամ տուն, ընկերներիս հետ ուտեմ-խմեմ, փարթի անեմ. Նարինե Ոսկանյանը մեկ ժամից կվիրահատվի появились сначала на ՄԵՐ ԻՆՖՈ.


Նյութը պատրաստեց ingablog.ru-ն


от admin

-->