>

Եթե մի քանի տարի առաջ լուսանկարները վերամշակելու համար Ինստագրամի օգտատերերը բավարարվում էին ստանդարտ ֆիլտրերով, այսօր տարածում են գտնում ամբողջական ֆոտոռեդակտորները, որոնք կարող ենք ներբեռնել հենց սմարթֆոնի մեջ։

Ձեզ ենք ներկայացնում այդ հավելվածներից հավանաբար լավագույնները։

Adobe Photoshop Fix

Adobe Systems-ի այս հավելվածն ունի ոչ միայն ստանդարտ պարամետրեր, այլև թույլ է տալիս ցանկացած իր վերածել լուսանկարի։ Այս ֆունկցիան պետք է գալիս այն ժամանակ, երբ փորձում եք ձեր էջի բոլոր լուսանկարները պահել մեկ գունային գամմայում, բայց իրական կյանքում չեք ուզում նույնանման զգեստներ կրել։




Քոչարյանի զոհերը

Snapseed




Այս ծրագիրը հատկապես հայտնի է այն բանով, որ կարողանում է սպիտակեցնել նկարը, հեռացնել ցանկացած օբյեկտ, օրինակ՝ կադրում պատահական հայտնված ծառի ճյուղերը կամ նույնիսկ մարդկանց։

Adobe Photoshop Lightroom CC

Սա մի հավելված է, որ ստեղծվել է հատուկ գունային պարամետրերի համար։ Եթե նկարը խավար կամ ընդհակառակը՝ շատ պայծառ է ստացվել, Lightroom-ը մի քանի քլիքով կուղղի դա։

PicsArt


Եթե ուզում եք «հնացնել» լուսանկարը կամ զարդարել ինտերիերը լապտերների լույսերով, ուրեմն՝ ընտրեք PicsArt-ը. մի քանի տասնյակ գործիքների մեջ հաստատ կգտնեք ձեր ուզածը։

YouCam Perfect

Այս ծրագրի շնորհիվ կարող եք շտկել արտաքինը գրեթե այնպես, ինչպես ֆոտոշոփով։ Եվ դեռ ավելին՝ ատամները սպիտակեցնելը կամ մի քանի կիլոգրամով նիհարելը YouCam Perfect-ի միջոցով կլինի շատ ավելի հեշտ, քան պրոֆեսիոնալ ծրագրով։

YouCam Makeup

Երբ պետք է լավ տեսք ունենալ լուսանկարում, բայց անքուն գիշեր եք անցկացրել, և ձեր աչքերի տակ պարկեր են, դա իսկական հոգս է։ Հենց այսպիսի դեպքերի համար է ստեղծվել այս ռեդակտորը, որը ձեզ դիմահարդարում է։


VSCO

Այս հավելվածն ունի նկարի պայծառության և բազում այլ պարամետրեր, որոնց միջոցով որակյալ վերամշակման է ենթարկում ցանկացած լուսանկար։

Lens Distortion

Այս հավելվածը հնարավորություն է տալիս լուսանկարի վրա ավելացնել բնության էֆեկտներ։ Այնպես որ, եթե ձմեռային նկարում ձյունն է պակասում կամ ծովափին՝ արևը, արդեն գիտեք ինչ անել։

Adobe Photoshop Mix

Adobe Systems-ը շարունակում է ուրախացնել իր օգտատերերին. սա հավելված է, որի օգնությամբ կարելի է նկարի ֆոնը փոխել՝ ընտրելով ավելի հարմար կամ պարզապես գեղեցիկ մեկը։

Աղբյուր՝ Blognews.am

Նյութը պատրաստեց ingablog.ru-ն


от admin

-->