>

«19-ամյա Նարեկը ծնողների և մեծ եղբոր հետ ապրում էր Ռուսաստանում, վերջին 1 տարին էր Հայաստան տեղափոխվել»,- Արցախում զոհված Նարեկ Վոլոդյայի Հարությունյանի մասին 168.am-ի հետ զրույցում ասաց Փարաքար համայնքի ղեկավարի տեղակալ Գոռ Սարիբեկյանը:

Նրա խոսքով՝ Նարեկը Հայաստան էր ժամանել հատուկ պարտադիր զինվորական ծառայության մեկնելու համար:




Քոչարյանի զոհերը

«Դավիթը շատ բարի, սրտացավ, գթասիրտ տղա էր: Իրենք բնիկ փարաքարցի են, բայց ապրում են Ռուսաստանում, Նարեկն այնտեղ է մեծացել: Այստեղ ապրում էր տատիկ-պապիկի հետ, 1 տարի է, որ Հայաստանում էր, բայց մոտ 3 ամիս առաջ էր զորակոչվել բանակ: Ընտանիքն այնտեղ էր՝ Ռուսաստանում, լուրն իմանալով՝ եկել են»,- ասաց Գոռ Սարիբեկյանը:




Նարեկի հարազատներից Արամ Պետրոսյանն էլ 168.am-ի հետ զրույցում հայտնեց, որ Արամը մինչև 3-րդ դասարան է Հայաստանում դպրոց հաճախել, 2010 թվականից ապրում էր Մոսկվայում, այնտեղ է դպրոցն ավարտել, բացի այդմ շատ է սիրել սպորտը, ձյուդոյով էր զբաղվում:

«1 տարի առաջ վերադարձել էր Հայաստան, որպեսզի մեկնի ծառայության, բայց հետաձգվեց 6 ամսով, երկրորդ անգամ վերադարձավ, որ գնա, ու այս տարվա հուլիսին զորակոչվեց բանակ: Շատ էր սիրում սպորտով զբաղվել, հատկապես՝ ձյուդոյով: Մոսկվա քաղաքում անցկացված մրցումներում 1-ին տեղ է գրավել, տասնյակ մեդալներ ունի սպորտի բնագավառում»,- պատմեց նա:


Արամ Պետրոսյանը նաև տեղեկացրեց, որ Նարեկը պլաններ էր մշակել, որոնք պետք է զորացրվելուց հետո իրականացներ, դրանցից գլխավորը Հայաստանում իր սեփական տունը կառուցելն էր.

«Ուզում էր մշտական բնակություն հաստատեր Հայաստանում, պետք է տուն սարքեր, ջերմոցային տնտեսություն հիմներ, ինքն իր տունն էր նախագծել, գծագիր էր արել, նման պլաններ էր կազմել: Հողագործություն էր սիրում՝ այգի, ջերմոցային տնտեսություն: Իր քեռին էլ է ծաղիկներ աճեցնում ջերմոցում, ոնց որ ինքն էլ է այդպիսի նախասիրություն ունեցել»:

Նարեկը վերջին անգամ քեռու հետ է խոսել՝ մինչև պատերազմը սկսվելը.


«Պատերազմը սկսվելուց 1 օր առաջ՝ սեպտեմբերի 26-ին, ժամը 22:00-23:00-ի սահմաններում  քեռու հետ է խոսել, ասել է ՝ ամեն ինչ լավ է, ես լավ եմ»:

Այսօր «Եռաբլուր» զինվորական պանթեոնում Նարեկ Հարությունյանին վերջին հրաժեշտն են տվել:

Сообщение Արցախում զոհված Նարեկն ուզում էր մշտական բնակություն հաստատել Հայաստանում, ինքն իր տունն էր նախագծել появились сначала на ՄԵՐ ԻՆՖՈ.


Նյութը պատրաստեց ingablog.ru-ն


от admin

-->