>

Ամերիկյան CBS47 հեռուստաալիքը ռեպորտաժ է պատրաստել Հայաստան համահայկական հիմնադրամին 1 մլն դոլարդ նվիրաբերած 102-ամյա Քնարիկ Մարկոսյանի մասին։ Ռեպորտաժի սկզբում հեռուստաընկերությունը ներկայացնում է Լեռնային Ղարաբաղում մեկ ամսից ավելի տևող պատերազմը։

Մինչ մարդիկ սպանվում էին, պատմամշակութային շենքերը՝ ոչնչացվում, Քնարիկ Մարկոսյանը Ֆրեզնոյի իր տնից լուռ հետևում էր և անհանգստանում։




Քոչարյանի զոհերը





«Նրանք պատրաստվում են մեզ բոլորիս սպանել։ Իսկ Ամերիկան նրանց չի օգնում։ Դա շատ վատ է», – ասում է Քնարիկ Մարկոսյանը։

Լրատվամիջոցը պատմում է, որ Քնարիկ Մարկոսյանի ծնողները և ավագ եղբայրը փրկվել են ցեղասպանությունից և 1915 թվականին Հայաստանից փախել Ռուսաստան, որտեղ էլ ծնվել է Քնարիկը։


Մարկոսյանների ընտանիքը Ֆրեզնո է տեղափոխվել 1940-ականներին։ Ռեպորտաժում նշվում է, որ տասնամյակներ շարունակ Քնարիկի համար մխիթարանք է եղել Ֆրեզնոյի սուրբ Պողոսի եկեղեցին, սակայն նրա սրտի մի մասն ուրիշ տեղում էր։

«Դա իմ հայրենիքն է, այդպես կարող եմ բացատրել», զրույցում նշում է Քնարիկ Մարկոսյանը։



Չունենալով ընտանիքի անդամներ՝ Քնարիկ Մարկոսյանը որոշում է կայացրել 1 մլն դոլար նվիրաբերել Հայաստան համահայկական հիմնադրամին։ Նա հույս է հայտնել, որ իր նվիրաբերած գումարը օգտակար կլինի։

«Ես չեմ ուզում, որ հայերը ջնջվեն քարտեզի վրայից»,- ասում է Քնարիկ Մարկոսյանը։

Աղբյուր


Նյութը պատրաստեց ingablog.ru-ն


от admin

-->