>

Ռուսաստանի Դաշնության նախագահ Վլադիմիր Պուտինը փոխվարչապետների թիվը հասցրել է 10-ի, նրանցից մեկը կլինի առաջին փոխվարչապետը. համապատասխան փաստաթուղթը հրապարակվել է Կրեմլի կայքում:

2020 թվականի հունվարի 22-ի հրամանագրով՝ վարչապետն ուներ 9 տեղակալ:

loading...



«Սահմանել, որ Ռուսաստանի Դաշնության կառավարության ղեկավարն ունի 10 տեղակալ, այդ թվում՝ Ռուսաստանի Դաշնության կառավարության ղեկավարի մեկ առաջին տեղակալ, Ռուսաստանի Դաշնության կառավարության ղեկավարի տեղակալ՝ Հեռավոր Արևելքի դաշնային շրջանում Ռուսաստանի Դաշնության նախագահի լիազոր ներկայացուցիչ և Ռուսաստանի Դաշնության կառավարության ղեկավարի տեղակալ՝ Ռուսաստանի Դաշնության կառավարության ապարատի ղեկավար»,- ասվում է փաստաթղթում:





Պուտինի հրամանագրի համաձայն՝ Ռուսաստանի տրանսպորտի նախարար Եվգենի Դիտրիխը հեռացվել է պաշտոնից։

ՌԴ նախագահի մեկ այլ հրամանագրով՝ պաշտոնանկ է արվել Ռուսաստանի Դաշնության բնական պաշարների և բնապահպանության նախարարության ղեկավար Դմիտրի Կոբիլկինը։


Շինարարության նախարարության ղեկավար Վլադիմիր Յակուշևը նույնպես հեռացվել է պաշտոնից. վերջինս փոխարինելու է Նիկոլայ Ցուկանովին՝ Ուրալի դաշնային շրջանում նախագահի լիազոր ներկայացուցչի պաշտոնում:



ՌԴ վարչապետ Միխայիլ Միշուստինը Պետդումային առաջարկել է «Աէրոֆլոտի» գլխավոր տնօրեն Վիտալի Սավելյովին հաստատել տրանսպորտի նոր նախարարի պաշտոնում, արևելքի զարգացման նախարարության ղեկավար Ալեքսանդր Կոզլովին՝ բնական պաշարների և բնապահպանության նախարարի, և շինարարության նախարար նշանակել գերատեսչության ղեկավարի տեղակալ Իրեկ Ֆայզուլինին:

Միշուստինը նաև առաջարկել է էներգետիկայի նախարար Ալեքսանդր Նովակին նշանակել փոխվարչապետ, իսկ նրա փոխարեն ներկայացրել է РусГидро-ի ղեկավար Նիկոլայ Շուլգինովի թեկնածությունը:

Сообщение Պուտինը փոխվարչապետների թիվը հասցրել է 10-ի. երեք նախարար հեռացվել է պաշտոնից появились сначала на ՄԵՐ ԻՆՖՈ.


Նյութը պատրաստեց ingablog.ru-ն


add
loading...
.

от admin