Կրեմլում պարզաբանել են՝ ինչպես է որոշվելու Լեռնային Ղարաբաղի կարգավիճակը․ ՌԻԱ Նովոստի

Լեռնային Ղարաբաղի վերաբերյալ ձեռք բերված համատեղ հայտարարությունում չի նշվում այդ տարածաշրջանի կարգավիճակի մասին․ անհրաժեշտ է ելնել միջազգային ակտերից ու ՄԱԿ-ի  Անվտանգության խորհրդի բանաձևերից։

Այս մասին հայտնել է ՌԴ նախագահի մամուլի խոսնակ Դմիտրի Պեսկովը. գրում է ՌԻԱ Նովոստին։

«Այո՛, այդ փաստաթղթում չի խոսվում Ղարաբաղի կարգավիճակի մասին։ Այս պահին մենք շարունակում ենք ելնել միջազգային իրավունքի բոլոր համապատասխան բանաձևերից և նախևառաջ ՄԱԿ-ի Անվտանգության խորհրդի համապատասխան բանաձևերից ու այլ փաստաթղթերից»,

— հայտնել է Պեսկովը լրագրողներին։

Հիշեցնենք՝ ավելի վաղ Ռուսաստանի, Հայաստանի ու Ադրբեջանի ղեկավարները հանդես են եկել Լեռնային Ղարաբաղում զինադադարի մասին համատեղ հայտարարությամբ։

Աղբյուր

Նյութը պատրաստեց ingablog.ru-ն