>

Գերագույն գլխավոր հրամանատարը, երբ պարտվում է, պետք է գնա, անկախ ամեն ինչից:


Այս մասին «Ամուր կանգնենք եկեղեցու կողքին» հաջակցություն եկեղեցու ակցիայի ժամանակ ասաց նախկին ոստիկանապետ Վլադիմիր Գասպարյանը:




Քոչարյանի զոհերը

«Ես չեմ կարծում, որ այս պարգաներում այս իշխանությունները կարող է անցկացնել նորմալ ընտրություններ»,-ասաց նա:




Անդրադառնալով ոստիկանական համակարգի գործողություններին՝ նա նշեց, որ ովքեր չեն կարողանում դիմանալ տխմարություններին, ուրեմն թող գնան, բայց ես, մեծ հաշվով, կարծում եմ, որ ուժային կառույցները պետք է լինեն իրենց տեղում և գործեն օրենքի սահմաններում: Մասնավորապես ոստիկանության գործողությունների մասին նա ասաց. «Ես կարծում եմ, որ ոչ թե ապօրինի հրամաններ են կատարում, այլ նույնիսկ քմահաճույքներ են կատարում»,-ասաց նա:


Ինչ վերաբերում է Եռաբլուրում կատարվածին, նա կատարվածը որակեց «այլանդակություն, լկտիություն, էշություն»: Խոսելով ոստիկանությանը Շուշի տանելու մասին՝ Վլադիմիր Գասպարյանն ասաց, որ գիտի՝ ինչ է կատարվել, և պատասխան է պահանջելու։

«Չէի ասի՝ ոստիկանությանը խաբեությամբ տարել են, բանակը կորցրել էր իր կառավարումը, չէր կառավարվում, որովհետև երբ սպաների, գեներալների գործունեության մեջ քաղաքացիներ են մտնում և քմահաճույքներ են իրականացնում և մարդկանց հոգին փառավորվում է, երբ ոստիկանների են ծեծում, դա այդ հոգու փառավորվելու շարունակությունն էր: Իհարկե, դրա համար ինձ պետք է պատասխան տան, որովհետև նրանք իմ տղաներն են, երկար տարիներ նրանց հետ եմ եղել»,-ասաց նա և նշեց, որ թաքցրել են զոհված ոստիկանների թիվը:


«Այդ տղաներին առանց զինվորական հարգանքի տուրք մատուցելու, գաղտագողի են հուղարկավորել, դա կարծում եմ, որ ամբողջ համակարգի համար և ցանկացած նորմալ մարդու համար պետք է վիրավորական լինի, նույնիսկ չեն արժանացրել անուններ ներկայացնելու»,-ասաց նա և նշեց, որ դեռ Լևոն Տեր-Պետրոսյանից սկսած՝ երկրորդ, երրորդ նախագահի ժամանակ Արցախի դիմաց 6 միլիարդ դոլարի մասին խոսակցություն եղել է, հիմա դարձել է հինգ միլիարդ:«Այս ամեն ինչը պետք է քննվի»,-ասաց նա:

Հարցին, թե իշխանափոխությունից հետո կվերադառնա՞ համակարգ, նա նշեց, որ ինքը դեռ վաղուց ասել է, որ 60 տարով է եկել և հիմա արդեն 63 է, և բացառեց իշխանափոխությունից հետո համակարգ վերադառնալը:

 

Сообщение Վլադիմիր Գասպարյանը հայտարարությամբ է հանդես եկել появились сначала на ՄԵՐ ԻՆՖՈ.


от admin

-->