>

Լեռնային Ղարաբաղում շփման գծի ողջ երկայնքով հրադադարի ռեժիմը պահպանվում է։ Այս մասին ասվում է Ռուսաստանի Դաշնության պաշտպանության նախարարության (ՌԴ ՊՆ) փետրվարի 20-ի տեղեկագրում։

Արցախում տեղակայված ռուսական խաղաղապահ զորախմբի զինծառայողները 27 դիտակետերում իրականացնում են իրավիճակի վերահսկում և հրադադարի ռեժիմի պահպանման մոնիտորինգ։





Ռուսաստանի պաշտպանության նախարարության տվյալներով՝ 2020 թվականի նոյեմբերի 14-ից սկսած Արցախ է վերադարձել 52 700 քաղաքացի, որոնք ժամանակավորապես ապաստանել էին Հայաստանի Հանրապետությունում։





Նոյեմբերի 23-ից մինչև օրս Հումանիտար ականազերծման կենտրոնի ինժեներասակրավորական խմբերը չպայթած զինամթերքից մաքրել են 1461 հեկտար տարածք, 453 կմ ճանապարհ, 1425 բնակելի շինություն, այդ թվում՝ սոցիալական նշանակության 30 օբյեկտ։ Հայնաբերվել և վնասազերծվել է 24 827 պայթյունավտանգ առարկա։

«Ռուս խաղաղապահները ապահովում են քաղաքացիների անվտանգ վերադարձը իրենց մշտական բնակության վայրեր և օգնում են վերականգնել քաղաքացիական ենթակառուցվածքները։ Խաղաղապահ զորախմբի պատասխանատվության գոտում հնարավոր միջադեպերի մասին տեղեկությունները համակարգելու նպատակով մշտական կապ է պահպանվում Հայաստանի և Ադրբեջանի զինված ուժերի գլխավոր շտաբների հետ»,- ասվում է ՌԴ ՊՆ տեղեկագրում։


Հիշեցնենք, որ 2020թ․ նոյեմբերի 9-ի երեկոյան Հայաստանի, Ադրբեջանի և Ռուսաստանի ղեկավարների ստորագրած հայտարարությամբ՝ Արցախում մարտական գործողությունները դադարեցվեցին։ Համաձայն այդ փաստաթղթի՝ հայկական կողմը մինչև դեկտեմբերի 1-ը Ադրբեջանին հանձնեց Քելբաջարի, Աղդամի և Լաչինի շրջանները։

Լեռնային Ղարաբաղում շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորախումբը:



Լաչինի միջանցքը (5 կմ լայնությամբ), որն ապահովում է Արցախի կապը Հայաստանի հետ՝ ընդ որում շրջանցելով Շուշի քաղաքը, մնաց Ռուսաստանի խաղաղապահ զորակազմի վերահսկողության ներքո:

Զորախմբի հիմնական մասը կազմում են ՌԴ զինված ուժերի Կենտրոնական ռազմական օկրուգի 15-րդ առանձին մոտոհրաձգային բրիգադի զինծառայողները։

Դիտեք նաև՝

Сообщение ՌԴ ՊՆ-Ն նոր հաղոդագրություն տարածեց․ Մանրամասներ появились сначала на ՄԵՐ ԻՆՖՈ.


от admin

-->