>

Թուրքիայի նախագահ Ռեջեփ Թայիփ Էրդողանը ապրիլի 24-ի կապակցությամբ ցավակցական ուղերձ է հղել Պոլսի հայոց պատրիարք Սահակ արք․ Մաշալյանին։




Քոչարյանի զոհերը

Ողջունելով պատրիարքին և հայ համայնքի անդամներին՝ Էրդողանը ուղերձում նշել է․ «Հարգանքով ոգեկոչում ենք Առաջին համաշխարհային պատերազմի դժվար պայմաններում իրենց կյանքը կորցրած օսմանյան հայերի հիշատակը, մեր ցավակցություններն ենք հայտնում նրանց թոռներին»։




Նշելով, որ հայերն ու թուրքերը դարեր շարունակ այս տարածքներում միասին ապրում են խաղաղության մեջ՝ Էրդողանն ընդգծել է, որ այդ միասնությունը ոչ թե շահի ու հաշվարկի, այլ նույն արժեքների, երկրի ու բարձրագույն իդեալների հանդեպ կապվածության շնորհիվ է։

Էրդողանն առանձնացրել է հայ համայնքի դերը «համատեղ մշակույթի» զարգացման գործում: Նրա խոսքով հայ համայնքը հարստացրել է մշակույթը ճարտարապետության, երաժշտության և արվեստի մեջ ունեցած ներդրումների, ինչպես նաև դաստիարակած բազմաթիվ բժիշկների, ինժեներների, իրավաբանների, գործարարների և արհեստավարժ մասնագետների գիտելիքի և քրտնաջան աշխատանքի շնորհիվ։


Անդրադառնալով Հայոց ցեղասպանության ճանաչման գործընթացին՝ Էրդողանը կրկնել է այն թեզը, որ երրորդ երկրների կողմից Թուրքիայի դեմ միջամտության գործիքի վերածված քննարկումները ոչ մեկին օգուտ չեն բերել։ Ըստ Էրդողանի՝ այդ քննարկումները պետք է պատմաբաններն անեն։

Նա համոզմունք է հայտնել, որ ինքնությունը միայն մեր հոգու վրա անցյալի թողած ցավերի հիման վրա կառուցելը մեծ անարդարություն է նոր սերունդների նկատմամբ։


Էրդողանն ուղերձում անդրադարձել է նաև Հայաստանի հետ հարաբերություններին։ Նշելով, որ թուրքերն ու հայերն արդեն բոլոր խոչընդոտները միասին հաղթահարելու հասունություն պիտի ցուցաբերեն, Էրդողանը ընդգծել է, որ այս հարցում իրենք միշտ անկեղծ են եղել, հարցը սեփական միջոցներով լուծելու համար ջանքեր ենք գործադրել։

Այս համատեքստում նա մասնավորապես նշել է․ «Միշտ տարբեր առիթներով արտահայտել ենք, որ պատրաստ ենք Հայաստանի հետ հարաբերությունները զարգացնել բարիդրացիության և փոխադարձ հարգանքի հիման վրա։ Ղարաբաղի ճգնաժամի լուծումից հետո մեր այս կոչը մեկ անգամ էլ բարձրաձայն կրկնել ենք։ Նույն կոչը կրկնում եմ»։

 

поделись с друзьями


от admin

-->