>

 

Ըստ արժանավույն պատժել ենք թշնամուն․ Իրինա Յոլյան




Քոչարյանի զոհերը





«Ըստ արժանավույն պատժել ենք թշնամուն՝ ցույց տալու, որ նմանօրինակ անգամ փոքր ոտնձգությունը պատժվելու է մեր տղաների կողմից։ Անարձագանք չի մնալու ոչ մի ոտնձգություն։ Ժամի հետ կապված և դեպքի մասին մանրամասներ ես չգիտեմ, բայց, այո, նման բան տեղի ունեցել է»,- այս մասին Իրավաբան․net-ի հետ զրույցում ասաց Գորիսի փոխքաղաքապետ Իրինա Յոլյանը։

Նա նաև նշեց, որ սահմանային իրավիճակն այս պահին հանդարտ է։ Այն իրավիճակը, ինչ որ կար մի քանի օր առաջ, դեռևս շարունակում է մնալ նույնը, առայժմը որևէ փոփոխություն չկա։


Հիշեցնենք, որ ավելի վաղ ՀՀ գլխավոր դատախազությունից հայտնել էին, որ ՀՀ զինվորական դատախազության Գորիսի կայազորի զինվորական դատախազի հանձնարարությամբ առանձին լրատվամիջոցների հրապարակումների հիման վրա ՀՀ ՊՆ Սիսիանի ՌՈ բաժնի Գորիսի բաժանմունքում նախապատրաստված նյութերով պարզվել է, որ 2021թ. մայիսի 20-ին՝ ժամը 10:00-ի սահմաններում, Ադրբեջանի զինված ուժերի մի խումբ զինված զինծառայողներ առանց թույլտվության հատել են Սյունիքի մարզի Տեղ համայնքի վարչական տարածքում գտնվող Խոզնավար գյուղի հատվածում պահպանվող պետական սահմանը:

Նրանք մոտ 1.5 կմ առաջացել են ՀՀ տարածքով, դիրքավորվել և նրանց մոտեցած ՀՀ ԶՈւ զինծառայողների հասցեին բռնություն գործադրելու սպառնալիքներ հնչեցրել, հայտնել են, որ այդ տարածքը պատկանում է Ադրբեջանի Հանրապետությանը, առաջանալու դեպքում սպառնացել են կրակ արձակել: Դրանից հետո ՀՀ ԶՈւ զինծառայողներին հաջողվել է նրանց հետ ուղարկել ելման դիրքեր:



Նույն օրը՝ ժամը 21:10-ի սահմաններում, ԱՀ ԶՈւ մի շարք զինծառայողներ խմբով, կրկին առանց պատշաճ թույլտվության հատել են միևնույն հատվածում պահպանվող պետական սահմանը, վեճի բռնվել նրանց ընդառաջ գնացած, իրենց ծառայողական պարտականությունները կատարող ՀՀ ԶՈւ մի շարք զինծառայողների հետ: Փոխադարձ ծեծկռտուքի ընթացքում տարբեր աստիճանի մարմնական վնասվածքներ են պատճառվել ՀՀ ԶՈւ 11 ներկայացուցիչների: ՀՀ ԶՈՒ զինծառայողներին այս անգամ ևս հաջողվել է նրանց հետ ուղարկել ելման դիրքեր:

Դեպքի առթիվ հարուցվել է քրեական գործ՝ ՀՀ քրեական օրենսգրքի 329-րդ հոդվածի երկրորդ մասով (երկու դրվագ), 300.2-րդ հոդվածով և 112-րդ հոդվածի 2-րդ մասի 1-ին, 2-րդ և 6-րդ կետերով:

Сообщение Ըստ արժանավույն պատժել ենք թշնшմուն․ Իրինա Յոլյանը նոր մանրամասներ է հայտնում появились сначала на ՄԵՐ ԻՆՖՈ.

поделись с друзьями


от admin

-->