Իրանում կա՞ն սահմանահատ հայ զինվորներ — ingablog

Իրանում կա՞ն սահմանահատ հայ զինվորներ


Ես չէի անդրադառնա այս խնդրին, եթե այսօր հայկական մամուլն այդ մասին արդեն չբարձրաձայներ։


Տեւական ժամանակ է անհետ կորած բազմաթիվ ծնողներ ինձ տեղեկատվություն են փոխանցում, որ ունեն հավաստի տեղեկություններ, անգամ հեռախոսազանգեր, որ իրենց որդիները պատերազմի օրերին՝

Արցախի հարավային մասից՝ Ջաբրայիլի հատվածից, հատել են Իրանի հետ պետական սահմանն ու գերեվարված են Իրանում։
Ավելին, ծնողներից մեկը հստակ նշեց Իրանի բնակավայրը՝ Ամանդի գյուղի զորամաս, ուր, ըստ իրենց հասած տեղեկության, պահվում են հայ զինվորները, որոնք համարվում են սահմանահատներ։

Տեւական ժամանակ է ես զբաղվում եմ այս խնդրով եւ այս հարցը քանի անգամ քննարկել եմ Իրանում Հայաստանի դեսպան Արտաշես Թումանյանի հետ, ով վստահեցրել է, որ նման բան չկա։

Ավելին, մի քանի ծնողներ անգամ Թավրիզ են հասել ու հանդիպել հայ սրբազանի հետ եւ կրկին պատասխանը եղել է, որ նման բան չկա։
Ես պաշտոնապես դիմել եմ Իրանի արտաքին գործերի նախարարին եւ ինձ պատասխանել են, որ նամակը ստացված է եւ որոշ ժամանակ անց ինձ կպատասխանեն։


Դեռ պատասխան չկա։ Ռուսաստանի իմ գործընկերների միջոցով կապ ենք հաստատել իրանցի մի քանի գեներալի հետ, ովքեր եւս ո’չ հերքել, ո’չ հաստատել են տեղեկությունն ու ժամանակ են խնդրել հստակ պատասխան տալու համար։

Сообщение Իրանում կա՞ն սահմանահատ հայ զինվորներ появились сначала на ՄԵՐ ԻՆՖՈ.

поделись с друзьями

от admin