>

Ճակնդեղի հյութ խմելը նպաստում է բերանի խոռոչում այնպիսի մանրէների աճին, որոնք ազդում են արյունատար անոթների առողջության և ուղեղի ավելի լավ աշխատանքի վրա։ Meddaily պարբերականի փոխանցմամբ՝ այս մասին նշվում է 70-80 տարեկան մարդկանց շրջանում արված հետազոտությունում:

Այսպիսով, ճակնդեղը և մի շարք այլ մթերքներ, այդ թվում՝ հազարը, սպանախը, նեխուրը հարուստ են անօրգանական նիտրատներով: Իսկ բերանի խոչոռի շատ բակտերիաներ կարևոր դեր են խաղում նիտրատներն ազոտի օքսիդի վերածելու գործում: Այդ միացությունն օգնում է կարգավորել անոթների վիճակը և ուղեղի նեյրոնների միջև հաղորդագրությունների փոխանցումը: Տարեցների մոտ, որպես կանոն, նվազում է ազոտի օքսիդի արտադրումը, ինչի հետևանքով վատթարանում է անոթների վիճակը և ճանաչողական գործառույթը:

ԳՈՎԱԶԴ00:14Իմանալ ավելին
Էքսետերի համալսարանի գիտնականների նոր ուսումնասիրության ընթացքում 26 առողջ տարեց մարդիկ երկու տասնօրյա ժամանակահատվածում օրական 2 անգամ ճակնդեղի հյութ կամ պլացեբո են ընդունել: Պարզվել է, որ առանձին բակտերիաների բարձր մակարդակը, ինչպես նաև Prevotella-Veillonella և Clostridium defficile բակտերիաների ցածր մակարդակը կապված է անոթների և ճանաչողական գործառույթի ավելի լավ վիճակի հետ:

Այսպիսով, ըստ գիտնականների՝ հյութի միջոցով միկրոֆլորան փոխելու համար պահանջվում է 10 օր: Հյութի օգտագործման արդյունքում արյան սիստոլիկ ճնշումը նվազել է միջինը 5 միլիմետր սնդիկի սյունով:


от admin

-->