>

2021թվականի սուբվենցիոն ծրագրերի շրջանակներում Լոռի Բերդ խոշորացված համայնքում նախատեսվում է ձեռքբերել գյուղգործիքներ և տեղադրել հակակարկտային կայաններ:





Համայնքում կավելանա ևս 8 հակակարկտային կայան, ինչը կարկտահարությունից կպաշտպանի մոտ 640 հա հողատարածք՝ ապահովելով մշակվող վարելահողերի աճ մոտ 30%-ով:





Լոռու մարզպետարանը հայտնում է, որ ծրագրի ընդհանուր բյուջեն կազմում է շուրջ 16.8 մլն դրամ, որից 8.4 մլն դրամը՝ պետական և նույնքան` համայնքային ներդրում: Խոշորացված համայնքի 9 բնակավայրերում այս պահին տեղադրված է ընդհանուր թվով 34 հակակարկտային կայաններ, մինչ խոշորացումը դրանց թիվը 10-ն էր:

Գյուղգործիքների ձեռքբերման համար անհրաժեշտ 10 մլն դրամից 50 տոկոսը պետական, 50 տոկոսը՝ համայնքային ներդրում է:


Լոռի Բերդ խոշորացված համայնքի գյուղտեխնիկայի պարկը կհամալրվի ևս 2 գութանով, սկավառակային տափանով և կարտոֆիլի շարքացանով:



Համայնքում մշակվող հողատարածքները կավելանան մոտ 500 հա-ով՝ ապահովելով տնտեսությունների եկամուտների աճ: Ծրագրի շահառու է մոտ 5000 բնակիչ:

Համայնքի ղեկավարի խոսքով՝ պետական աջակցության ծրագրերի արդյունքում հնարավոր է դարձել անհրաժեշտ տեխնիկա ձեռքբերել, ինչն էլ իր հերթին հնարավորություն է տալիս տարիներով անմշակ հողերը դարձնել վարելահողեր. այսօր համայնքի 3200 հա հողատարածքից մշակվում է շուրջ 2300 հա-ը:

Օրերս Լոռու մարզպետարանի գյուղատնտեսության և բնապահպանության վարչության աշխատակիցները եղել են Լոռի Բերդ խոշորացված համայքնում, հետևել տարվող աշխատանքներին: Վարչության պետ Արուս Թումանյանը վստահեցնում է՝ արվում է ամեն ինչ, որպեսզի գյուղացին վերադառնա հողի մշակությանը, առաջնային նպատակը մեկն է՝ ունենալ հնարավորինս քիչ անմշակ հողեր:

Сообщение Լոռի Բերդ համայնքում կիրականացվի հակակարկտային կայանների տեղադրում և գյուղգործիքների ձեռքբերում появились сначала на MediaNews.


от admin

-->