>


Երեկ, հուլիսի 30-ին, արտակարգ դեպք է տեղի ունեցել Երևանում։ Ժամը 05։30-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «ձախ ստորին վերջույթի ամպուտացիա» ախտորոշմամբ իրենց մոտ է տեղափոխվել մի քաղաքացի։








Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության Մաշտոցի բաժնի օպերատիվ խումբը՝ հետաքննական բաժանմունքի ավագ հետաքննիչ Ճերմակյանի գլխավորությամբ։ Հիվանդանոցում բժիշկները ոստիկաններին հայտնել են, որ վիրավորը գտնվում է վիրահատարանում և այդ պահին ի վիճակի չէ կատավածի մասին բացատրություն տալու։ Մաշտոցի ոստիկանները պարզել են, որ վիրավորը Երևանի բնակիչ 30-ամյա Գրիգոր Գալստյանն է, ով հիվանդանոցում բժիշկներին հայտնել է, որ իրենց շենքում վայր է ընկել։


Մինչ բժիշկները օգնություն էին ցուցաբերում նրան, ոստիկանությունը Երևան քաղաքի վարչության քրեական հետախուզության բաժնի, ոստիկանության Մաշտոցի և Էրեբունու բաժինների քրեական հետախուզության բաժանմունքների ծառայողները, համատեղ ձեռնարկելով անհրաժեշտ օպերատիվ-հետախուզական միջոցառումներ, պարզել են, որ նույն օրը, ժամը 03։00-ից 03։30-ն ընկած ժամանակահատվածում Արցախի պողոտայի 57 հասցեի դիմաց վիճաբանություն է տեղի ունեցել Գ․ Գալստյանի և Երևանի բնակիչ 31-ամյա Հարություն Գրիգորյանի միջև, որի ժամանակ վերջինս դեռևս չպարզված հրազենից կրակել է Գ․ Գալստյանի ուղղությանբ, ինչի հետևանքով էլ վերջինս վնասվածք է ստացել։

Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ Հ․ Գրիգորյանին և հանցագործության գործիք հրազենը հայտնաբերելու ուղղությամբ։ Փաստի առթիվ ոստիկանության Մաշտոցի բաժնում նյութեր են նախապատրաստվել և դրանք փոխանցվելու են ոստիկանության Էրեբունու բաժին։



Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Сообщение Արտակարգ դեպք Երևանում․ վիճաբանությունն ավարտվել է կրակոցով․ 30-ամյա տղան հրազենային վնասվածքով տեղափոխվել է հիվանդանոց появились сначала на MediaNews.


от admin

-->