>


Երեկ՝ օգոստոսի 27-ին, խոշոր հրդեհ է տեղի ունեցել Լոռու մարզում։ Ժամը 21։55-ի սահմաններում Արտակարգ իրավիճակների նախարարության փրկարար ծառայության 9-11 ժգնաժամային կառավարման կենտրոն ահազանգ է ստացվել, որ Սպիտակ քաղաքի Ուզբեկական թաղամասում գործող մանկապարտեզի շենքում հրդեհ է բռնկվել։








Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ԱԻն ՓԾ Սպիտակի թիվ 41 հրշեջ-փրկարարական ջոկատը՝ 3 մարտական հաշվարկով։ Հրշեջները մարել են «Շողեր» մանկապատանեկան կենտրոնում առաջացած հրդեհը։ Ըստ նախնական տեղեկությունների՝ բարեբախտաբար, տուժածներ չկան, սակայն մանկապատանեկան կենտրոնը նյութական լուրջ վնասներ է կրել։


Հրշեջների աշխատանքը տեղում ղեկավարել է Լոռու մարզային փրկարարական վարչության պետ Ս. Գաբրիելյանը։ Դեպքի վայր են ժամանել նաև ոստիկանության Սպիտակի բաժնի օպերատիվ խումբը՝ օրվա պատասխանատու հերթապահի գլխավորոթյամբ։

Թե ինչն է եղել հրդեհի պատճառը, Լոռու մարզային փրկարարական վարչությունում պարզվում է։



Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Сообщение Խոշոր հրդեհ՝ Սպիտակ քաղաքում գործող «Շողեր» մանկապատանեկան կենտրոնում. ժամանել են Սպիտակի հրշեջ-փրկարարական ջոկատից 3 մարտական հաշվարկ появились сначала на MediaNews.


от admin

-->