>

Տեքսասում աբորտների հակառակորդները տոնում են, իսկ աբորտի իրավունքի կողմնակիցները բողոքում՝ հղիության արհեստական ընդհատման մասին օրենքն ուժի մեջ մտցնելու կապակցությամբ, գրում է Ամերիկայի ձայնը:





Աբորտի իրավունքների պաշտպաններն այս շաբաթ բողոքի ակցիա են անցկացրել Թեքսասում ընդդեմ նոր օրենքի, որն արգելում է պտղի սրտի առաջին անգամ բաբախելուց վեց շաբաթ անց իրականացվող արհեստական վիժեցումները: Դա կարող է լինել հղիության արհեստական ընդհատման մասին ամենակոշտ օրենքը ԱՄՆ -ում:





«Թեքսասի օրենքը, փաստորեն, արգելելում է նահանգում աբորտների մոտ 90% -ը, և այդ ստատուս քվոն կպահպանվի առնվազն անորոշ ժամանակ, նույնիսկ եթե, ի վերջո, ավելի ուշ կայացվի հակառակ դատականվճիռ»,- ասում է ԱՄՆ -ի աբորտների իրավունքի փորձագետ Մերի Զիգլերը:
Շատ հաճախ վեց շաբաթվա ընթացքում է, որ կանայք տեղեկանում են իրենց հղիության մասին, նկատում են փորձագետները: 1973 թվականից ի վեր ԱՄՆ -ում կանայք հղիության արհեստականընդհատման իրավունքից կարող են օգտվել մինչև հղիության մոտ 22-24 շաբաթը: Թեքսասի օրենքը նաև եզակի է, քանի որ այն կիրառելի է մասնավոր քաղաքացիների նկատմամբ:

Հղիության արհեստական ընդհատման հակառակորդ Ջո Փոջմանը տոնում է այս հաղթանակը Alliance for Life կազմակերպության հետ, որը դեմ է հղիության արհեստական ընդհատմանը:

«Առաջիկա ամիսներին երեխաներ կծնվեն, ովքեր կարող էին իրենց կյանքը կորցնել աբորտի պատճառով»,- ասում է Փոջմանը:
Փոջմանն ասում է, որ այն դրույթը, որը թույլ է տալիս մասնավոր քաղաքացիներին քաղաքացիական հայցեր ներկայացնել հղիության արհեստական դադարեցման կլինիկաների դեմ և նվազագույնը 10 հազար դոլար շահել, կհանդիսանա զսպող օղակ:


«Մենք շահագրգռված չենք, որ դատական գործընթացները շարունակվեն: Մենք իսկապես շահագրգռված ենք, որ երեխաները պաշտպանված լինեն»,- ասում է Փոջմանը:

Նա մատնանշում է հղիության կենտրոնների պետական ֆինանսավորման ընդլայնման կարևորությունը, որտեղ հղի կանանց ծառայություններ կմատուցվեն և կխրախուսվի հղիության պահպանումը:



Հղիության այս կենտրոնի գործադիր տնօրեն, հոգևորական Մարկ Ֆեյրն ակնկալում է, որ նոր օրենքի արդյունքում ավելի շատ կանայք կօգտվեն իր կենտրոնի ծառայությունից:

Սակայն աբորտի կողմնակիցները պնդում են, որ այս օրենքը վնասում է կանանց, հատկապես նրանց, ովքեր միջոցներ չունեն հղիության արհեստական ընդհատման համար այլ նահանգներ գնալու կամ հղիությունը բժշկական ճանապարհով դադարեցնելու համար:

Փաքսթոն Սմիթը ուշադրության կենտրոնում հայտնվեց անցյալ տարվա գարնանը, երբ Դալլասի ավագ դպրոցում իր ելույթի ընթացքում կոչ արեց պայքարել նոր օրենքի դեմ, որը դեռ ուժի մեջ չէր այդ ժամանակ:

«Այն փաստը, որ կյանքի համար կարևոր այդ որոշումը հանձնվել է մեկ ուրիշին, պարզապես չափազանց անմարդկային է»,- ասում է Սմիթը:
Սակայն ԱՄՆ Գերագույն դատարանը 5 կողմ 4 դեմ ձայների հարաբերակցությամբ ուժի մեջ դրեց Թեքսասի օրենքը: Հոկտեմբերին սակայն սպասվում է, որ այն և նմանատիպ օրենքներ կվիճարկվեն:

Сообщение Թեքսասում ուժի մեջ մտավ արհեստական վիժեցումների դեմ ամենակոշտ օրենքը появились сначала на MediaNews.


от admin

-->