>

Լոռու մարզի Ստեփանավան քաղաքի Աշոտաբերդ թաղամասում առավոտյան բռնկված հրդեհի հետեւանքով տան միակ փրկված 26-ամյա Դավիթ Հակոբյանի վիճակը գնահատվում է ծանր, նրան Երեւանից ժամանած ռեոնոմոբիլով տեղափոխում են Երեւանի ճառագայթային բժշկության եւ այրվածքների գիտական կենտրոն: Այս մասին ՀԺ-ի հետ զրույցում հայտնեց Ստեփանավանի բժշկական կենտրոնի վնասվածքաբան Ռաֆիկ Յիրիցյանը.

«Ժամը 6:40-ին է կանչ գրանցվել, տեղում այրվածքներով 3 մահացածներ են հայտնաբերվել, մյուս տուժածը քաղաքացիների ուժերով ու մեքենայով տեղափոխվել է հիվանդանոց: Նրա մարմնի 30-40 տոկոսն այրված է: Կատարվել են համապատասխան միջոցառումներ, կազմակերպվել է նրա Երեւան տեղափոխելը»:




Քոչարյանի զոհերը





Հարեւանների պատմելով՝ դեպքը տեղի է ունեցել առավոտյան 5-ի սահմաններում.

«Պապաս Դավիթի ձայնից է արթնացել, գոռում էր՝ փրկեք, միայն ծուխ ենք տեսել, զանգեցինք շտապօգնություն ու փրկարարներին, Դավիթը պատուհանից կախված էր, ջարդել էր ապակին, ու օգնություն էր կանչում»,-պատմեց հարեւանը:


Հիշեցնենք, որ հրդեհի հետանքով նշված տանը հայտնաբերվել են բնակիչներ՝ 59-ամյա Անուշ Բալասանյանի, 36-ամյա Վահանուշ Հակոբյանի և 10-ամյա Գրիգոր Գրիգորյանի ծխախեղդ եղած դիերը։



Թե ինչն է եղել հրդեհի պատճառը, պարզ կլինի մի շարք փորձաքննություններ կատարելուց հետո։ Փաստի առթիվ ստեղծվել է քննչական խումբ: Հրդեհի վարկածները տարբեր են՝ հոսանքի տատանումից մինչեւ փայտի վառարան:

Նշանակվել են մի շարք փորձաքննություններ:

Լուսանկարները՝ Armtimes.com

Նյութը պատրաստեց ingablog.ru-ն


от admin

-->