>

Եթե մինչ այս պահը դուք հազվադեպ եք կակաո խմել, ապա դա մեծ բացթողում է։ Այդպիսի օգտակար ու քաղցր ըմպելիք դեռ փնտրել ու գտնել է պետք։

Իր հատկությունների շնորհիվ այն ոչ միայն պաշտպանում է վիրուսներից ու վարակներից, այլև էներգիայով է լցնում։




Քոչարյանի զոհերը

Եթե դուք հոգնել եք ու ամենաբարձր տրամադրության մեջ չեք գտնվում, ուրեմն կակաոն հենց այն է, ինչ ձեզ պետք է։





Այս ըմպելիքը պարունակում է նյութեր, որոնք խթանում են ուղեղի ճիշտ աշխատանքը ու բարելավում հիշողությունը, ինչպես նաև կարգավորում են խոլեստերինի մակարդակը։

Կակաոյի մեջ դուք կգտնեք ածխաջրեր (6-10%), սպիտակուցներ (12-15%), ճարպեր, В խմբի վիտամիններ, բջջանյութ և հակաօքսիդանտներ։

Կոկոհիլ միացությունը, որը պարունակվում է նաև կակաոյի հատիկների մեջ, նպաստում է մաշկի բջիջների ակտիվ աճին, լավացնում է վերքերը և կանխում ավելի վաղ առաջացած կնճիռները։

Եվս մեկ նյութ՝ էկպիկատեխինը, ունակ է ձեր օրգանիզմը պաշտպանել բազմաթիվ տհաճ ու կյանքի համար վտանգավոր հիվանդություններից, ինչպիսիք են ինֆարկտն ու ինսուլտը, քաղցկեղն ու շաքարախտը։


Ի դեպ, մի վախեցեք ավելորդ կալորիաներից: Թեպետ դրանք կակաոյի մեջ ավելի շատ են, քան թեյի կամ սուրճի, կակաոն ավելորդ սանտիմետրեր ու կիլոգրամներ ձեզ չի նվիրի։ Կակաոյի ոչ մեծ չափաբաժինն արագ հագեցնում է օրգանիզմը, և արդյունքում՝ դուք շատ չեք ուտում։

Սակայան, այնուամենայնիվ, ճիշտ է կակաո խմել օրվա առաջին կեսին։ Եվ դա ևս մեկ հետաքրքիր պատճառ ունի։ Կակաոյի մեջ մելանին կա, որը կլանում է արևային ճառագայթները ու օգնում ձեր մաշկը պաշտպանել ուլտրամանուշակագույն ճառագայթներից ու արևային այրվածքներից։

Ստորև ներկայացնում ենք դարչինով ու մեխակով կակաոյի շատ համեղ բաղադրատոմս։



Դարչինը նույնպես շատ օգտակար է։ Այն նպաստում է արյան շրջանառության բարելավմանն ու քչացնում բորբոքումներն օրգանիզմում, իսկ մեխակը բնական հակասեպտիկ է ու ցավազրկող միջոց։

Բաղադրիչները՝

1/2 ճաշի գդալ կակաոյի փոշի կամ բնական շոկոլադ
2 բաժակ կաթ
1 թեյի գդալ դարչին
1/2 թեյի գդալ աղացած մեխակ
մի պտղունց աղ
Պատրաստման եղանակը՝

Կակաոն կամ շոկոլադը լցնել ոչ մեծ կաթսայի մեջ, ավելացնել համեմունքներն ու աղը։ Ապա ավելացնել կաթը ու տաքացնել միջին կրակի վրա, մինչև ըմպելիքը բոլորովին միատարր դառնա։

Ցանկալի է անընդհատ խառնել այս խառնուրդը։

Նյութը հրապարակման պատրաստեց 168.am-ը

news


от admin

-->