>

Ի՞նչը կարող է լույս սփռել «դարի հանցագործության» վրա․ Խոսրով Հարությունյանը՝ «Հոկտեմբերի 27»-ի մասին

17:05 — 27/հոկտեմբերի/2019

Այն, որ Նաիրի Հունանյանին, ցանկացած հիմնավորմամբ, ազատ արձակելը կլինի ոչ միայն ապտակ մեր ազգային արժանապատվությանը, այլեւ անպատվաբեր հայի տեսակին՝ երկրորդ կարծիք չի կարող լինել։ Այս մասին ֆեյսբուքյան իր էջում գրում է ՀՀԿ-ական նախկին պատգամավոր Խոսրով Հարությունյանը։




Քոչարյանի զոհերը

«Ի՞նչը կարող է լույս սփռել «դարի հանցագործության» վրա





Հոկտեմբերի 27-ին նախընթաց ամենից շատ քննարկվող հարցերից մեկը՝ ոճրագործ Հունանյանի դիմումն է իր նկատմամբ պատիժը փոխելու (թե ազատ արձակելու) վերաբերյալ:

Կարծես թե հայտնի է նաեւ այդ միտքը հղացողը: Համոզված եմ՝ նման ճղճիմ գաղափարը, ինչպես նաեւ տեսակցությամբ հանցագործին՝ ոճրագործության հետ կապված որոշ «նոր փաստերի» դիմաց ազատության մեջ հայտնվելու հույս ներշնչելու միտքը, կարող էր ծագել միայն հիվանդ գլխում:


Այն, որ հանցագործին, ցանկացած հիմնավորմամբ, ազատ արձակելը կլինի ոչ միայն ապտակ մեր ազգային արժանապատվությանը, այլեւ անպատվաբեր հայի տեսակին՝ երկրորդ կարծիք չի կարող լինել:



Նման քայլի անթույլատրելի եւ հանրորեն դատապարտելի լինելու մասին շատ դիպուկ արտահայտվել է նաեւ Կարեն Դեմիրճյանի այրին՝ տիկին Ռիմա Դեմիրճյանը:

Շատ կարեւոր է փաստել եւ այդ առումով կարծում եմ պետք է համաձայնվել մամուլում հնչած այն մտքի հետ, որ ով փորձ անի ազատել կամ միջնորդել ազատելու ոճրագործին, ինչպիսի հիմնավորմամբ էլ դա արվի, նա էլ հանդիսանում է ոճրագործության կամ պատվիրատուն կամ պատվիրատուի ներկայացուցիչը:

Հենց այս հանգամանքն էլ կարող է լույս սփռել «դարի հանցագործության» վրա»,-նշել է նա:

Նյութը պատրաստեց ingablog.ru-ն


от admin

-->