>

Երգիչ Արման Հովհաննիսյանի ֆեյսբուքյան էջից երեկ տեղեկացանք, որ նա բարեգործական նախաձեռնություն է սկսել՝ Հայաստանում կորոնավիրուսի հաղթահարմանը նպաստելու համար:





Հաղորդագրությունում նշված է, որ «Նորք» ինֆեկցիոն հիվանդանոցի բուժաշխատողների, վարակակիրների, ինչպես նաեւ Ծաղկաձորի հյուրանոցում մեկուսացվածների համար պարբերաբար կուղարկվի տեղական թարմ մսից պատրաստված ավանդական հայկական խորոված:





BRAVO.am-ի հետ զրույցում Արման Հովհաննիսյանի մենեջեր Լուիսնե Արշակյանը նշել է, որ երգիչը որոշել է առնվազն մինչեւ ապրիլի 14-ն այդ մարդկանց ապահովել մսամթերքով:

«Նա գնում է միսը, որով «Օջախ» ռեստորանում եւ «Կարաս» ազգային սննդի ցանցում պատրաստվում են տարբեր ուտեստներ՝ կլինի հայկական խորոված, կամ էլ մեկ այլ ուտելիք»,-նշել է Լուսինե Արշակյանը:


Մենեջերի խոսքով՝ Արմանը համագործակցում է ՀՀ առողջապահության նախարարության հետ, որն էլ ուղղորդում է, թե որքան միս է անհրաժեշտ գնել եւ պատրաստի սնունդն ուր առաքել. «Ի դեպ, գնվում է տեղական արտադրության միս, որպեսզի մեկուսացված քաղաքացիները կամ նրանց սպասարկող բուժանձնակազմն ու անվտանգության աշխատակիցները սնվեն վիտամիններով հարուստ մթերքով»:



Արման Հովհաննիսյանը նաեւ կոչ է արել շահագրգիռ բոլոր կազմակերպություններին եւս միանալ նախաձեռնությանը եւ համագործակցել ՀՀ առողջապահության նախարարության հետ:

Երգիչն այս օրերին գտնվում է Հայաստանում. ընտանիքի հետ մեկուսացել է տանը:

Сообщение Արման Հովհաննիսյանը բարեգործական նախաձեռնություն է սկսել՝ Հայաստանում կորոնավիրուսի հաղթահարմանը նպաստելու համար появились сначала на ՄԵՐ ԻՆՖՈ.


Նյութը պատրաստեց ingablog.ru-ն


от admin

-->