>

Հատուկ քննչական ծառայությունն առանձնահատուկ թափով ձեռնամուխ է եղել 2008թ. մարտի 1-ի քրեական գործի նախաքննությանը՝ իրականացնելով նոր հարցաքննություններ: Երեկ Հատուկ քննչական ծառայության պետ Սասուն Խաչատրյանը հայտնել է, որ որպես վկա հարցաքննվել է Սեյրան Օհանյանը, ով այդ ժամանակ Զինված ուժերի գլխավոր շտաբի պետի պաշտոնն էր զբաղեցնում:









Քոչարյանի զոհերը

Որպես վկա հարցաքննության է կանչվել երկրորդ նախագահ Ռոբերտ Քոչարյանը: ՀՔԾ պետը նշել է, որ հարցաքննության են հրավիրվելու բոլոր այն անձինք, ովքեր կարող են որեւիցե տվյալ հայտնել Մարտի 1-ի հետ կապված: «Ժողովուրդ» օրաթերթը փորձել է Մարտի 1-ի գործի բացահայտման մասին խոսել 2008թ. այդ օրերին տարբեր բարձրաստիճան պաշտոններ զբաղեցրած անձանց հետ:


Փորձեցինք կապ հաստատել 2008 թվականին փոխոստիկանապետի պաշտոնում աշխատած Ալեքսանդր Աֆյանի հետ: Նրա բջջային հեռախոսին պատասխանող անձը ներկայացավ որպես Աֆյանի եղբայր եւ ասաց, որ Ալեքսանդր Աֆյանը երկրում չէ:

Հիշեցնենք, որ 2008-ի նոյեմբերի 14-ին Մարտի 1-ի խորհրդարանական ժամանակավոր հանձնաժողովի հետ կայացած հանդիպմանը Ալեքսանդր Աֆյանը հայտարարել էր, որ մարտի 1-2-ի օպերացիան ղեկավարել է այդ ժամանակ ոստիկանապետի պաշտոնը զբաղեցնող Հայկ Հարությունյանը: Նա շեշտել էր, որ Հարությունյանը ոստիկանության ղեկավար կազմին հատուկ հրահանգ է տվել: Ի դեպ, լուրեր են շրջանառվում, որ Հայկ Հարությունյանը ներկայում Հայաստանում չէ:



Աղբյուր

Նյութը պատրաստեց ingablog.ru-ն


от admin

-->