Ալիկ Սարգսյանը ևս իր բանդայով դերակատարություն է ունեցել. Սպանված փոխոստիկանապետի հայրը սպասում է գործի բացահայտմանը — ingablog

Հայաստանի նախկին փոխոստիկանապետ Գևորգ Մհերյանի սպանության գործը միացվել է պաշտոնատար անձանց կողմից դիրքի չարաշահման մասով հարուցված գործին, և Հատուկ քննչական ծառայության վարույթից գործն ամբողջությամբ տեղափոխվել է Ազգային անվտանգության ծառայության քննչական վարչություն։ Այս մասին «Առաջին լրատվական»ի հետ զրույցում ասաց Գևորգ Մհերյանի հայրը՝ Պետրոս Մհերյանը։


«Հիմա գործը միացրել են։ Էն երկրորդ մասը նախկինում էլ ԱԱԾ-ում էր։ Հիմա տեսնենք՝ միացնեն, ինչ կանեն։ Առանձնապես ոչ մի բան չեն արել դեռևս։ Ոչ կանչել են, ոչ բացատրություն են վերցրել։ Չգիտեմ՝ ինչ է կատարվում»,- ասաց Մհերյանը՝ հավելելով, որ ամեն դեպքում հույս ունի, որ բացահայտում կլինի գոնե այս նոր իրողությունների պայմաններում։

Սպանված փոխոստիկանապետի հայրը հիմա էլ է պնդում՝ մեղավորների շրջանակը հայտնի է, ու նրանք բոլորը՝ սկսած գործի քննությունը ճիշտ ուղուց շեղողներից, պետք է պատասխան տան։


«Գործով քննիչը առաջին իսկ օրվանից սկսել է ուրիշի գլխին գործ սարքել, ի՞նչ եք կարծում՝ էդ մարդը չպե՞տք է պատասխան տա։ Նա, բնականաբար, ինչ-որ մեկի հրամանն է կատարել։ Պատասխանատվության պետք է ենթարկվեն բոլորը՝ սկսած Աղվան Հովսեփյանից, ՀՔԾ նախկին պետ Անդրանիկ Միրզոյանից, որոնք լավ էլ տեղյակ էին, որ գործ է սարքվում։ Բա ինչո՞ւ չէին բռնում էդ սարքողի ձեռքը, ինչո՞ւ էին աչք փակում դրա վրա։ 3 տարի պնդում էին, որ Իգիթյաններն են սպանել։ Իգիթյանը 3 տարի հետո բերդից դուրս եկավ, ոչ մեկը ուշադրություն չդարձրեց»,- ասաց Մհերյանը՝ հավելելով. «Եթե, դու, Ալիկ Սարգսյան, պնդում էիր, որ կան ձերբակալվածներ, շուտով գործը կբացահայտվի։ Բա ի՞նչ եղավ։

Ես չեմ բացառում, որ Ալիկ Սարգսյանը ևս իր ոստիկանական բանդայով դերակատարություն է ունեցել այս գործում։ Հետաքրքիր է՝ ինչի համար են մինչև էսօր բոլոր տեսախցիկները պահել, ինչու չեն նայում, ինչու ցույց չեն տալիս։ Նույն Հունան Պողոսյանը բարձր-բարձր բրդում էր, ասում էր՝ մեքենա են գտել, որ սպանության օրը ճռռիկներով գնացել է։ Բա ինչ եղավ։ Բա բոլորը կուրծք էին ծեծում, թե Գևորգ Մհերյանի սպանության բացահայտումը իրենց պատվի հարցն է։ Տո իրենց ո՞ւր է պատիվ։ Իրենց միայն փողն է հետաքրքրում, ուրիշ ոչինչ։ Դրա համար էլ 9 տարի շարունակ չեն կարողանում մի սպանության գործ բացահայտել»,- նշեց Մհերյանի հայրը։

Նշենք, որ այս գործի երկրորդ մասը, որի մասին գրել ենք, հարուցված է պաշտոնյաների կողմից պաշտոնեական դիրքի չարաշահման մասով։ Այս մասով գործի քննությունը ևս դոփում է տեղում։ Մինչդեռ Պետրոս Մհերյանի խոսքով՝ եթե նորմալ քննություն գնար, ապա վաղուց մեղավորների շրջանակը բացահայտվել էր։

«Հեկտոր Սարդարյանը՝ գործով քննիչը, նստած ասում է, թե սպանությունը վերցրու քեզ վրա, կամ՝ ինքնախոստովանական ցուցմունքը համակարգչով տպած դնում է, ասում՝ ստորագրի։ Ով է ինքնախոստովանական ցուցմունքը համակարգչով տպում ու ստորագրել տալիս»,- նշեց Մհերյանը։


Պետրոս Մհերյանը փաստաբան չի վարձել։ Ասաց՝ չի վստահում փաստաբաններին։ Իրենից լավ փաստաբան չկա։ Ամեն ինչ գիտի, ամեն ինչից տեղյակ է։ «Էլ փաստաբանն ինչ եմ անում։ Ինձ ինչո՞վ պետք է օգնի փաստաբանը։ Տեսնում ենք, էլի, հանցագործին բռնում են, փաստաբանը գալիս, էնպես է անում, բաց են թողնում, մի բան էլ արդարացնում են։ Դրա համար էլ հույս չեմ կապում փաստաբանների մեծ մասի հետ»,- ասաց Մհերյանը։

Աղբյուր՝ «Առաջին լրատվական»

Նյութը պատրաստեց ingablog.ru-ն

от admin

You missed

Приготовьте этот простой напиток, который совершенно безопасен, улучшает состояние организма, помогая выводить токсины из печени. Когда печень перегружена, это сразу чувствуется. Основные симптомы: слабость Энергетический ресурс головокружение изжога боль в правом ребре проблемы с пищеварением кожная сыпь Приготовьте этот простой напиток, который совершенно безопасен, улучшает состояние организма, способствует выводу токсинов из организма. Кроме того, напиток получается ароматным и освежающим. Ингредиенты. горсть свежих листьев шпината 1 лимонный сок 1 апельсиновый сок 1 литр воды 3 куб.см. медовый Способ приготовления: Налейте воду в глубокий дуршлаг и нагрейте ее. Добавьте листья мяты и готовьте 5 минут на медленном огне. Снимите с огня и дайте остыть до комнатной температуры. Добавить апельсиновый и лимонный сок, мед, хорошо перемешать. Мы нюхаем и пьем. Этот напиток также помогает при тошноте и воздействует на желудочно-кишечный тракт. Употребляйте 1 стакан напитка в день, который запустит в организме процессы очистки печени.