>

Այսօր կայացած մամուլի ասուլիսի ժամանակ Ժառանգություն կուսակցության նախագահ Րաֆֆի Հովհաննիսյանը նշել է, որ գտնում է, որ խորհրդարանական ընտրությունների անցողիկ շեմը պետք է իջնի, հավելելով, որ իրենք առաջարկում են Նիկոլ Փաշինյանին միասնական ցուցակով գնալ ընտրությունների:


«Ողջունում ենք նոր կառավարության գործունեությունը, զորակցում ենք, հայկական ոգու թռիչք ենք ապրել միասին: Մենք Փաշինյանին միասնական ցուցակով ընտրություններին գնալու առաջարկություն ենք արել, քանի հաղթանակը նաեւ մերն է, քանի որ ընդհանուր պայքարի մեջ եղել ենք երկար տարիներ, նաեւ բոլորինը:








Քոչարյանի զոհերը

Մենք կողմ ենք կուսակցական դրոշները վայր դնելուն, եթե դա ընդունվի կողջունենք, եթե այդ առաջարկը չընդունվի, ամեն դեպքում մենք ակտիվ մասնակցություն կունենանք ընտրություններին, կորոշենք մասնակցության ձեւը»,- ասաց նա:


Դիտարկմանը, թե վերջին տարիներին կուսակցության կողմից պասիվություն  է դրսեւորվել, իսկ այժմ վստահություն ունե՞ն, որ հաջողության կհասնեն ընտրությունների, Հովհաննիսյանը չհամաձայնեց, ասաց, որ իրենք միշտ էլ կուսակցական գործունեություն ծավալել են եւ կարծում է այս ընտրություններին էլ հաջողության կհասնեն:

Հովհաննիսյանը առաջարկում է նաեւ Երեւանի ավագանու ընտրություններին գնալ միասնական` համապետական ցուցակով:



Աղբյուր՝ Armtimes.com

Նյութը պատրաստեց ingablog.ru-ն


от admin

-->