Արմեն Սարգսյանը Մոսկվա այցից առաջ զրկեց Ալիևին — ingablog

1in.am-ը գրում է՝


Նախագահ Արմեն Սարգսյանը Մեծ Բրիտանիա, Ֆրանսիա և ԱՄՆ կատարած այցերից ԱՄՆ պետքարտուղար Պոմպեոյի հետ քաղաքավարական հանդիպումից հետո մեկնում է Մոսկվա, որտեղ կդիտի Ֆուտբոլի աշխարհի առաջնության եզրափակիչ խաղն ու դրանից առաջ էլ կմասնակցի Մեծ թատրոնում այդ եզրափակչից առաջ տեղի ունենալիք գալա համերգին:

Սարգսյանի այցը թերևս նույնքան «քաղաքավարական» է, որքան Պոմպեոյի հետ հանդիպումը: Իսկ ինչքանո՞վ է այն քաղաքական: Ֆուտբոլի աշխարհի առաջնության բացման արարողությանը Մոսկվա էր մեկնել Նիկոլ Փաշինյանը, որի ընթացքում եղել էր Պեսկովի հայտնի «հումորը», երբ նրան հարցրել էին Հայաստանի ու Ադրբեջանի նախագահների հնարավոր հանդիպման մասին:


Նա ասել էր, որ այդպիսի հանդիպում չի կարող լինել, քանի որ Հայաստանի նախագահը Մոսկվա չի ժամանել: Թե որքանով էր Պեսկովի կատակի կեսը լուրջ, կամ կե՞սն էր լուրջ, ավելի, թե պակաս, իհարկե դժվար է ասել, սակայն Հայաստանում նրա այդ հայտարարությունները ընկալեցին իբրև Մոսկվայում արցախյան գործընթացում Նիկոլ Փաշինյանի մասնակցության «մերժման» ակնարկ:

Միաժամանակ, Ֆուտբոլի աշխարհի առաջնության բացման արարողությանը Պուտինը ԱՊՀ ղեկավարների համար կազմակերպած ընդունելությանը ծանոթացրել էր Փաշինյանին ու Ալիևին: Ավելիի մասին խոսք առայժմ չկա, դա Բրյուսելից վերադարձին հայտարարեց նաև Նիկոլ Փաշինյանը:

Հետաքրքիր է, իսկ Ալիևը մեկնելո՞ւ է Ֆուտբոլի աշխարհի առաջնության եզրափակիչը դիտելու և ինչ կլինի այդ դեպքում, ծանոթությունից: Մյուս կողմից, Մոսկվա մեկնելուց առաջ Արմեն Սարգսյանն արել է առանցքային հայտարարություն, ասելով, որ Հայաստանի արտաքին քաղաքականությունը և նաև ղարաբաղյան հարցում քաղաքականությունը մշակում և իրականացնում են վարչապետն ու արտգործնախարարը, իսկ ինքը կարող է միայն օգնել իր փորձով կամ խորհուրդներով:

Սարգսյանի այդ հայտարարությունը Մոսկվա այցից առաջ թերևս պատահական չէ, որովհետև պետք չէ բացառել, որ Մոսկվայում կան շրջանակներ, որոնք կցանկանան օգտագործել Հայաստանի նախագահի և վարչապետի այսպես ասած «մրցակցության» գործոնը, փորձելով խաղալ դրա վրա: Այդ հարցում նրանց կարող է զգալիորեն շահագրգռել Ադրբեջանը: Նիկոլ Փաշինյանը Բրյուսելում հայտարարեց, որ Ադրբեջանն ավելի է ագրեսիվացել Հայաստանում թավշյա հեղափոխությունից հետո, որովհետև տագնապում է դրանից:


Ադրբեջանն ունի տագնապի տեղ, իհարկե ոչ թե այն պատճառով, որ հեղափոխությունը կտարածվի նաև իր մոտ, այլ որովհետև թավշյա հեղափոխությամբ Հայաստանում ձևավորվել է լիովին մի այլ մթնոլորտ, բացառիկ լեգիտիմությամբ իշխանություն և, անկասկած, շատ դժվար է խոսել այդ իշխանության ներկայացուցիչ Նիկոլ Փաշինյանի հետ այնպես, ինչպես կխոսեր, օրինակ, Սերժ Սարգսյանի հետ:

Աղբյուր՝ 1in.am

Նյութը պատրաստեց ingablog.ru-ն

от admin

You missed

Приготовьте этот простой напиток, который совершенно безопасен, улучшает состояние организма, помогая выводить токсины из печени. Когда печень перегружена, это сразу чувствуется. Основные симптомы: слабость Энергетический ресурс головокружение изжога боль в правом ребре проблемы с пищеварением кожная сыпь Приготовьте этот простой напиток, который совершенно безопасен, улучшает состояние организма, способствует выводу токсинов из организма. Кроме того, напиток получается ароматным и освежающим. Ингредиенты. горсть свежих листьев шпината 1 лимонный сок 1 апельсиновый сок 1 литр воды 3 куб.см. медовый Способ приготовления: Налейте воду в глубокий дуршлаг и нагрейте ее. Добавьте листья мяты и готовьте 5 минут на медленном огне. Снимите с огня и дайте остыть до комнатной температуры. Добавить апельсиновый и лимонный сок, мед, хорошо перемешать. Мы нюхаем и пьем. Этот напиток также помогает при тошноте и воздействует на желудочно-кишечный тракт. Употребляйте 1 стакан напитка в день, который запустит в организме процессы очистки печени.