>

ՌԴ Պետդումայի ԱՊՀ գործերով, եվրասիական ինտեգրման ու հայրենակիցների հետ կապերի կոմիտեի առաջին փոխնախագահ Կոնստանտին Զատուլինը Երևանում՝ լրագրողների հետ զրույցում, նշեց, որ  իրենք  չէին կարող անտարբեր լինել Հայաստանում տեղի ունեցող իրադարձություններին:


«Բայց մենք ընդհանրապես չենք միջամտելու գործընթացին, չենք ասելու՝ ով է  ավելի լավը, ով վատը: Դա մեր գործառույթը չէ»,- ասաց նա:








Քոչարյանի զոհերը

ՌԴ պատգամավորը նշեց,որ ասուլիսից հետո  նախատեսված է հանդիպում ՀՀ վարչապետի պաշտոնակատար Կարեն Կարապետյանի հետ:

«Ցավոք սրտի, «Ելք» խմբակցության ներկայացուցիչները չեկան հանդիպման: Միայն կես ժամ սպասելուց հետո եկավ Արարատ Միրզոյանը, ով պատասխանեց մեր հարցերին: Իսկ խմբակցության մյուս պատգամավորների բացակայությունը բացատրեց նրանով, որ իրենց խմբակցության պատգամավորները վիրավորվել են Ռիժկովի ասածներից: Անհասկանալի է, որ այն խմբակցության անդամները, որոնք ամեն տեղ ու ամենքին հայտարարում են, որ իրենց խմբակցության անդամը պետք է դառնա վարչապետ, այդքան խոցելի են, որ չեն կարող ամբողջ կազմով մասնակցել քննարկմանը»,- ասաց նա՝ նշելով, որ ամեն դեպքում իրենք պատրաստ են բոլորի հետ քննարկել այսօր Հայաստանում տիրող իրավիճակը:


Հայտնի է, որ ՌԴ Դաշնային խորհրդի անդամ, հայ-ռուսական միջխորհրդարանական համագործակցության հանձնաժողովի համանախագահ Նիկոլայ Ռիժկովը հայ խորհրդարանականների հետ հանդիպման ժամանակ, անդրադառնալով ԱԺ պատգամավոր Նիկոլ Փաշինյանին, ասել էր, որ լսել է նրա ելույթը РВК հեռուստաալիքով, որտեղ նա հիմարություններ էր դուրս տալիս, և հասկացել էր, որ նրան իշխանություն չի կարելի վստահել:



Հարցին՝ արդյո՞ք նախատեսում են էթիկայի հանձնաժողովում քննարկել հայ պատգամավորին արված վիրավորանքի հարցը, Զատուլինը ասաց. «Ես չեմ փորձելու այստեղ ինչ-որ մեկին արդարացնել, ներողություն խնդրել: Մենք բոլորս հասուն մարդիկ ենք: Նիկոլայ Ռիժկովը հասուն և արդար մարդ է, անկեղծ ներկայացնում է իր կարծիքը: Նա, ակնկալելով անկեղծ զրույց, ասել է  այն, ինչ ճիշտ է համարել»:

Աղբյուր՝ Shabat.am

Նյութը պատրաստեց ingablog.ru-ն


от admin

-->