ՌԴ 102-րդ ռազմաբազայի զինվորականները տանկերով մտել են Փանիկ և խուճապի մատնել մարդկանց (տեսանյութ) — ingablog

«Այսօր ժամը 11-ից 12-ն ընկած ժամանակահատվածում ՌԴ 102-րդ ռազմաբազայի ստորաբաժանումներն առանց զգուշացման մտել են Շիրակի մարզի Փանիկ գյուղ և զորավարժանք իրականացրել: Պայթյուններ և կրակոցներ են հնչել:


Իրենց տների մոտ տանկեր և զինված զորք տեսնելով՝ փանիկցիները խուճապի են մատնվել և փախել տներից: Վախից երեխաներ են ուշագնաց եղել: Ոմանք նաև կրակոցների ժամանակ ահաբեկվել և թաքնվել են:



Փանիկի համայնքապետ Վարդան Մակեյանը «Հայկական ժամանակ»-ի հետ զրույցում պատմեց, որ ռուս զինվորականներն իրենց գյուղի ճանապարհով տանկերով և այլ զինվորական մեքենաներով օրական մի քանի անգամ երթևեկում են, բայց զորավարժության առաջին դեպքն էր սա:

Համայնքապետը պահանջել է դադարեցնել վարժանքն ու տարածք է հրավիրել ԱԱԾ-ին և Արթիկի ոստիկանությանը: Այդ կառույցների ներկայացուցիչներն արագ արձագանքել, հասել են Փանիկ և խոսել ռուսական կողմի հետ»:

Մանրամասները` սկզբնաղբյուր կայքում:


Տեսանյութերը` ֆեյսբուքյան օգատատեր Արմեն-Հայարփի Գևորգյանի էջից:


 

Նյութը պատրաստեց ingablog.ru-ն

от admin