>

Դերասանուհի Անի Լուպեն հունիսի 15-ին նշել է ծննդյան 36-ամյակը: Արեւոտ եղանակին ծնված դերասանուհին համաձայն է այն մտքին, որ ամռանը ծնված մարդիկ ջերմ են ու դրական:

Անին NEWS.am STYLE-ին է տրամադրել ծննդյան օրվա ֆոտոշարքն ու պատմել, թե ինչպես է արտակարգ պայմաններում նշել տարեդարձը:




Քոչարյանի զոհերը

«Սիրում եմ ծննդյանս օրը ու միշտ սպասում եմ այս օրվան»,-ասում է Անին՝ խոստովանելով, որ համաճարակային իրավիճակն, այնուամենայնիվ, ազդել է թե´ տրամադրության, թե´ օրվա հետ կապված ծրագրերի վրա.


«Առհասարակ, այս իրավիճակն ազդել է ինձ վրա, իսկ ծննդյանս օրն ազդեց նրանով, որ չկարողացա հրավիրել բոլոր ընկերներիս, քանի որ պետք էր պահպանել կանոնները»:





Դերասանուհին ծննդյան տարեդարձը նշել է իրենց բակում՝ մի քանի ընկերների ու մտերիմների շրջապատում: Հայտնի գործընկերներից Անիի փոքրիկ խնջույքին ներկա են եղել Ռաֆայել Երանոսյանը, Լուիզա Ներսիսյանը, Դիանա Շատվերյանը եւ այլք:

«Այս տարի այնքան շատ շնորհավորանքներ ստացա, որոնց անգամ չէի սպասում: Ինձ ուղղված մաղթանքներն այնքան շատ էին ու օրիգինալ, որ կոնկրետ մեկը չեմ կարող առանձնացնել»,-ասում է նա, նաեւ հավելում՝ առհասարակ, չի սիրում լինել ուշադրության կենտրոնում, բայց ծննդյան օրը բացառություն է համարում:

36-ամյա դերասանուհին խոստովանում է՝ մինչ օրս մեծանալու վախ չի ունեցել, իսկ հետագայում կունենա, թե ոչ, առայժմ չգտի: Անին կարծում է, որ ամեն տարիքում տվյալ տարիքին համապատասխան է լինում:


«Կարծում եմ՝ ներքուստ ոչ թե փոքր եմ, այլ, պարզապես, ուրիշ, իսկ տարիքիս միշտ էլ համապատասխան եմ»:

Ինչ վերաբերում է մինչ մյուս ծննդյան տարեդարձը իրականացվելիք նպատակներին՝ դերասանուհին նշում է.



«Այդպիսի բաներ չեմ սիրում անել: Նպատակներ ու երազանքներ ունեմ, բայց իմ առջեւ ժամկետներ չեմ դնում»:

Աղբյուր՝ NEWS.am STYLE


Նյութը պատրաստեց ingablog.ru-ն


от admin

-->